श्री रिद्धी सिद्धी गणेश मंदिराची मंगळवेढ्यात १४ फेब्रुवारीला प्राणप्रतिष्ठापना सोहळा!

मंगळवेढा(प्रतिनिधी)मंगळवेढा संतनगरीत गेल्या ४० वर्षांपासून निर्माणाधीन असलेल्या नवमंदिरात श्री रिद्धी सिद्धी महागणपती मूर्ती, इतर देवी-देवतांसह ५१ साधू-संतांच्या मूर्तीची विधिवत प्राणप्रतिष्ठा तसेच कलशारोहण व ध्वजस्तंभारोहण सोहळा बुधवारी (दि. १४) रोजी होत आहे. मुंबईच्या श्री विठ्ठल रुक्मिणी वेद पाठशाळचे आचार्य वेदमूर्ती प्रसाद जोशी व आचार्य वेदमूर्ती हृषिकेश जोशी यांच्या मार्गदर्शनाखाली विधिवत होत आहे. या सोहळ्यानिमित्त सोमवार (दि. १२) पासून धार्मिक विधीला सुरुवात होत आहे, अशी माहिती मंदिराचे निमति अशोक कोळी व लता कोळी यांनी दिली. त्यानिमित्ताने दि. १२ ते १४ फेब्रुवारीदरम्यान तीन दिवस विविध सांस्कृतिक कार्यक्रम होणार आहे. शहराच्या लौकिकात भर घालणाऱ्या तीन दिवसाच्या या महासोहळ्यास सहकुटुंब सहपरिवार उपस्थित राहावे, असे आवाहन श्री रिद्धी सिद्धी महागणपती प्राणप्रतिष्ठा सोहळा समितीच्या वतीने करण्यात आले.

सोमवारी (दि. १२) सकाळी ७ ते ९ आरंभ, श्री गणेश पूजन, सकाळी ९ ते १२: श्रींच्या प्रतिकात्मक व देव देवतांच्या, साधू संतांच्या प्रतिमांची शहरातून मिरवणूक, दुपारी १२ ते ३ : भजन- शहर व तालुक्यातील सर्व महिला भजनी मंडळ सहभाग, दुपारी १२ ते सायंकाळी ६: मंडप पूजन, देवता स्थापना सायंपूजा व आरती. सायंकाळी ७.०० ते ९.३०: गायक ज्ञानेश्वर मेश्राम यांचा भक्ती संगीत रजनी.

मंगळवारी सकाळी ७ ते ९ स्थापित देवता पूजन, दुपारी १२ ते ३ भजन – भजनी मंडळाचे सादरीकरण. दुपारी ३ ते ६ प्रधान होम संत मूर्ती स्थापना, सायंपूजा व आरती, सायंकाळी ७ ते ९.३० : कीर्तनकार श्री चैतन्य महाराज राऊत यांचे कीर्तन  होईल.

बुधवारी सकाळी ११.५० ते १२.२० श्री रिध्दी सिधि महागणपती व सर्व देवी देवतांच्या मूर्तीची  प्राणप्रतिष्ठा होईल. दुपारी १२:२० ते १ कलशारोहन व ध्वजारोहण  दुपारी १२.३० ते २ या वेळेत महाआरती व महाप्रसाद, सायंकाळी ६.३० ते ७ दादासाहेब वेदक, महादेव महाराज बोराडे शास्त्री यांच्या हस्ते विशेष सत्कार, सायंकाळी ७ ते ९:  महादेव महाराज बोराडे शास्त्री यांचे कीर्तनाने सांगता होईल

मुख्य संपादक: महादेव धोत्रे

Recent Posts

21 डिसेंबर रोजी पहिल्या विश्व ध्यान दिवसाचे आयोजन!

युनायटेड नेशन ऑर्गनायझेशन यांच्याकडून नुकताच 21 डिसेंबर हा आंतरराष्ट्रीय ध्यान दिवस म्हणून घोषित करण्यात आलेला…

8 months ago

बीड हत्याकांडातील आरोपींना त्वरित अटक करा मंगळवेढ्यातील सकल मराठा समाजाचे पोलिसांना निवेदन

मंगळवेढा (प्रतिनिधी)बीड जिल्ह्यातील केज तालुक्यातील मस्साजोग गावचे सरपंच मराठा सेवक संतोष देशमुख यांच्या केलेल्या क्रूर…

9 months ago

विकासाभिमुख परिवर्तनासाठी केलेल्या प्रामाणिक प्रयत्नांसाठी मला आणखी एका संधीतून सेवेचा आशीर्वाद द्या – आ समाधान आवताडे

  गेल्या तीन वर्षांपासून पंढरपूर-मंगळवेढा विधानसभा मतदारसंघातील गावा-गावात जाऊन सर्वसामान्य नागरिकांच्या समस्या अडी-अडचणी समजून घेतल्या…

10 months ago

भगीरथ भालकेंना मोठा धक्का; शहराध्यक्षासह काँग्रेसच्या अनेक बड्या पदाधिकाऱ्यांचा अनिल सावंतांना पाठिंबा…

  पंढरपूर-मंगळवेढा विधानसभा मतदारसंघात यंदा चौरंगी लढत पाहायला मिळणार आहे. भाजपकडून समाधान आवताडे, राष्ट्रवादी काँग्रेस…

10 months ago

निंबोणी येथील पशुसंवर्धन दवाखान्यासाठी ५० लाख निधी मंजूर-आ समाधान आवताडे

मंगळवेढा(प्रतिनिधी) पंढरपूर-मंगळवेढा विधानसभा मतदारसंघाचे आ-समाधान आवताडे यांच्या प्रयत्नातून जिल्हा नियोजन समिती अंतर्गत मंगळवेढा तालुक्यातील निंबोणी…

11 months ago

कोतवालांना चतुर्थ श्रेणी कर्मचारी म्हणून सामावून घेण्याची आ समाधान आवताडे यांनी केली महसूल मंत्री विखे-पाटील यांच्याकडे मागणी!

मंगळवेढा(प्रतिनिधी) राज्याच्या महसूल विभागातील कोतवाल कर्मचाऱ्यांना वेतन श्रेणी निश्चित करून शासकीय सेवेमध्ये चतुर्थ श्रेणी कर्मचारी…

11 months ago

This website uses cookies.