टेंभुर्णी (प्रतिनिधी) येथील श्री संत रोहिदास प्राथमिक आश्रम शाळेचे इंग्रजी विषयाचे अध्यापक श्री महादेव चौगुले सर यांना राज्य आदर्श शिक्षक पुरस्काराने नुकतेच सन्मानित सन्मानित करण्यात आले.
सामाजिक जनजागृतीला सर्वश्रेष्ठस्थानी मानणाऱ्या ठाणे येथील पारस काव्य, कला, जनजागृती संस्थेच्या वतीने
दरवर्षी दिल्या जाणाऱ्या राज्यस्तरीय आदर्श शिक्षक या पुरस्काराचे यावर्षीचे मानकरी म्हणून महादेव अण्णाप्पा चौगुले यांचा शाल,श्रीफळ,सन्मानचिन्ह,सन्मानपत्र प्रदान करत ज्येष्ठ साहित्यिक कुंडलिक म्हात्रे, संत कबीरांचे वारसदार संजय बर्वे, मानवाधिकार यशवंत कुर्वे नागपूर, यांच्या शुभहस्ते संस्थेचे संस्थापक अध्यक्ष श्री मंगेश चांदिवडे यांच्या प्रमुख उपस्थितीमध्ये गौरविण्यात आले.
कला, साहित्य, संस्कृती, समाज, शिक्षण, पत्रकार, कृषी, पर्यावरण अशा विविध क्षेत्रांमध्ये भरीव कामगिरी करणाऱ्यांसाठी सदरील पुरस्कार दिला जात असून महादेव चौगुले यांचे शालेय शिक्षण क्षेत्रातील भरीव आणि उल्लेखनीय कार्याबद्दलची दखल आणि नोंद घेत सदरील पुरस्कार विद्यार्थ्यांप्रती कृतज्ञता जागृती म्हणून दिला गेला असल्याचे मत यावेळी ज्येष्ठ साहित्यिक कुंडलिक म्हात्रे यांनी व्यक्त केले.
आदर्श शिक्षक पुरस्कार मिळाल्याबद्दल टेंभुर्णी आश्रम शाळेमध्ये श्री महादेव चौगुले सर यांचा यथोचित सन्मान करण्यात आला.जय तुळजाभवानी माध्यमिक,कला व विज्ञान कॉलेजच्या प्राचार्या जयश्री गवळी,श्री संत रोहिदास प्राथमिक आश्रम शाळेच्या मुख्याध्यापिका श्रीम.संतोषी आगावणे यांच्या शुभहस्ते सदरील पुरस्कारांमधील सन्मानचिन्ह, सन्मानपत्र , शाल श्रीफळ आणि पुष्पहार देऊन चौगुले सरांना गौरविण्यात आले….
चौगुले सरांचे कौशल्यपूर्ण अध्यापनकार्य, शिक्षणाबाबतची तळमळ, विद्यार्थी केंद्रित आत्मजागरूकता आणि सहकार्य वृत्ती या गुणांची कदर म्हणून सदरचा पुरस्कार त्यांना लाभला असल्याचे स्पष्ट मत शालेय संस्कृतिक विभागाचे नवनाथ नांगरे सर यांनी यावेळी व्यक्त केले.
पुरस्कार मिळाल्याबद्दल संस्थेचे संस्थापक चेअरमन कैलासजी सातपुते ,मुख्याध्यापिका,शिक्षकवृंद आणि समस्त विद्यार्थ्यांनी चौगुले सरांचे मनापासून अभिनंदन केले असून टेंभुर्णी शहर आणि परिसरात सर्व स्तरातून त्यांच्यावर कौतुकाचा वर्षाव होत आहे.
