मोहोळ(प्रतिनिधी) स्वामी विवेकानंद विद्यालय मोहोळ येथे पोक्सो अॅक्ट बालकांचे लैंगिक गुन्ह्यापासून संरक्षण कायदा या विषयावर विधी साक्षरता शिबिर विधी सेवा समिती मोहोळ व विधीज्ञ संघ मोहोळ यांच्यावतीने आयोजित करण्यात आले होते.
कार्यक्रमाच्या अध्यक्षस्थानी स.वा. ठोंबरे दिवाणी न्यायाधीश मोहोळ हे होते. यावेळी सह दिवाणी न्यायाधीश प्र.ग.महाळंकर मुख्याध्यापक शशिधर पाटील,सुधीर नाईकनवरे ॲड.व्ही. टी. धावणे,ॲड.कांबळे हे विधीज्ञ उपस्थित होते.
प्रमुख मान्यवरांच्या हस्ते महात्मा गांधी व डॉ.बाबासाहेब आंबेडकर यांच्या प्रतिमेचे पूजन करून कार्यक्रमाची सुरुवात करण्यात आली.
या प्रसंगी पी.एम.माने यांनी पोक्सो अॅक्ट बालकांचे लैंगिक गुन्ह्यापासून संरक्षण कायदा मुलांना समजेल अशा भाषेत सांगितला.
अध्यक्षीय भाषणातून स. वा. ठोंबरे यांनी गूड टच व बॅड टच याबद्दल सविस्तर माहिती सांगून मुलांच्या मनातील भीती दूर केली.कायद्यामधील तरतुदी समजावल्या.
हा कार्यक्रम यशस्वी करण्यासाठी सर्व शिक्षक व शिक्षकेतर कर्मचाऱ्यांनी परिश्रम घेतले.
कार्यक्रमाचे सूत्रसंचालन प्रमोद कोरे यांनी तर आभार प्रदर्शन प्रगती जाधव यांनी केले.
